Galgehumor

Galgehumor is 'n vorm van humor wat gebaseer is op die leed of swaarkry van andere (of op eie leed) met as doel om te spot of te amuseer. Hierbenewens is daar ook 'n ooreenkoms met sinisme, waarby 'n negatiewe houding teenoor die maatskappy (of 'n deel daarvan) tot uiting kom. Dikwels word hierdie, meestal oordrewe, vorm van humor gebruik om die leed te relativeer of 'n reaksie by die toeskouer te ontlok.

Galgehumor draai dikwels rondom taboe-onderwerpe wat oor die algemeen by die meeste mense 'n baie gevoelig saak is, soos byvoorbeeld die dood. In normale omstandighede word humor wat rondom hierdie tema draai afgekeur of besonder smaakloos gevind. Die doel van galgehumor is dan ook om die publiek ongemaklik te laat voel. Op die juiste moment en in die juiste omstandighede kan hierdie vorm van humor egter ook help om spanning weg te neem of leed te relativeer. Omdat elke individu egter sy eie morele en etiese grense het, is die reaksie by die publiek nie altyd voorspelbaar nie.

'n Oostenrykse ondersoek uit 2017 toon aan dat daar aanwysings is dat galgehumor meer gewaardeer word en beter begryp word deur mense met 'n hoër intelligensie en 'n hoër opleidingsvlak. Vir faktore soos emosionele onstabiliteit en aggressiwiteit geld juis die teendeel.^[1]

1. ↑ Willinger, U., Hergovich, A., Schmoeger, M. (2017). "Cognitive and emotional demands of black humour processing: the role of intelligence, aggressiveness and mood" (pdf). Cognitive Processing (in Engels). Springer. 18 (2): 159–167. doi:10.1007/s10339-016-0789-y. Besoek op 16 Maart 2023. Black humour preference and comprehension are positively associated with higher verbal and nonverbal intelligence as well as higher levels of education. Emotional instability and higher aggressiveness apparently lead to decreased levels of pleasure when dealing with black humour.{{cite journal}}: AS1-onderhoud: meer as een naam (link)